गैरआवासीय नेपाली संघ (Non-Resident
Nepali Association – एनआरएनए) को २३ वर्षे इतिहासमा पहिलो पटक
गैरव्यापारी पृष्ठभूमिबाट आएका डा. Hem Raj Sharma अध्यक्ष
पदमा निर्वाचित हुने अवस्थामा पुगेका छन्। यसअघि संस्थाको नेतृत्व मुख्यतः
व्यवसायिक क्षेत्रमा सक्रिय व्यक्तिहरूले गर्दै आएका थिए।
एनआरएनएको एकता महाधिवेशन अन्तर्गत
नयाँ नेतृत्व चयनका लागि भइरहेको निर्वाचन प्रक्रियामा पछिल्लो समयमा सहमतिको
वातावरण मजबुत बन्दै गएको छ। अध्यक्षका अर्का आकांक्षी बज्राचार्यले आफ्नो
उम्मेदवारी फिर्ता लिएर उपाध्यक्ष पदमा उम्मेदवारी दर्ता गर्ने निर्णय गरेपछि
अध्यक्ष पदमा डा. शर्माको एकल उम्मेदवारी रहने निश्चित भएको हो।
त्यसैगरी अर्का प्रतिस्पर्धी Robin
Sherchan ले पनि संस्थाको एकता र महाधिवेशनको गरिमा जोगाउन आफ्नो
उम्मेदवारी फिर्ता गर्दै डा. शर्मालाई समर्थन गरेका छन्। उनले बरिष्ठ उपाध्यक्ष
पदका लागि उम्मेदवारी दिएका छन्। प्रमुख प्रतिस्पर्धीहरूबीच सहमति भएपछि डा. शर्मा
सर्वसम्मत अध्यक्ष चयन हुने सम्भावना बलियो बनेको छ।
महाधिवेशनको अन्तिम चरणमा सहमतिको
वातावरण बनेसँगै संस्थाभित्र देखिएको गुटीय विभाजन र ध्रुवीकरण कम गर्ने प्रयास
तीव्र भएको छ। धेरैजसो पदाधिकारीहरू सहमतिमै चयन गर्ने तयारी भइरहेको छ र हालसम्म
२० भन्दा बढी पदाधिकारी निर्विरोध निर्वाचित भइसकेका छन्।
लामो समयदेखि देखिएको नेतृत्व विवाद
तथा वैधानिक समस्यालाई एकता महाधिवेशनमार्फत समाधान गर्दै सर्वसम्मत नेतृत्व चयन
हुनुले संस्थालाई नयाँ दिशा दिने अपेक्षा गरिएको छ। नयाँ नेतृत्वले विश्वभर रहेका
नेपाली समुदायको हित संरक्षण, लगानी प्रवर्द्धन तथा
नेपालको विकासमा गैरआवासीय नेपालीहरूको भूमिका अझ प्रभावकारी बनाउने विश्वास
गरिएको छ।
एनआरएनए (NRNA)
बारे संक्षेप जानकारी
अध्यक्ष डा. हेम राज शर्मा – प्रोफाइल
